Адной з мэтаў праекта «Я нарадзіўся!» з'яўляецца навучанне бацькоў і спецыялістаў па тэме развіцця дзяцей з сіндромам Дауна, якое дазваляе па-новаму ацэньваць магчымасці дзяцей з асаблівасцямі псіхафізічнага развіцця. 4 кастрычніка 2019 г. у рамках праекта на базе ДУ "Мінскі гарадскі цэнтр сацыяльнага абслугоўвання сям'і і дзяцей" адбыўся семінар на тэму «Асаблівасці развіцця дзяцей з сіндромам Дауна ранняга ўзросту».

Са жніўня 2019 года рэспубліканскім сацыяльна-дабрачынным грамадскім аб'яднаннем «Даун Сіндром. Інклюзія» рэалізуецца праект «Я нарадзіўся!». Мэта праекта – зніжэнне колькасці адмоў ад дзяцей з сіндромам Дауна праз ранняе комплекснае суправаджэнне сям'і з удзелам спецыялістаў.

У маі 2019 года ўстановай па аказанні дапамогі ў складанай жыццёвай сітуацыі «Лёс і надзея» у партнёрстве з іншымі арганізацыямі праведзены мерапрыемствы, прымеркаваныя да Міжнароднага дня сям'і.

22 мая адбудзецца дабрачынны інклюзіўны майстар-клас па фларыстыцы «Веснавое ўпрыгожванне». Удзел у мерапрыемстве прымуць людзі з інваліднасцю з псіханеўралагічнага інтэрната. Запрашаем далучыцца ўсіх тых, хто жадае правесці час у сумеснай творчасці і адчуць радасць вясновага настрою.

Установа па аказанні дапамогі ў складанай жыццёвай сітуацыі «Лёс і надзея», АБА «Цэнтр падтрымкі сям'і і мацярынства «МАТУЛЯ », УА« Беларускі дзяржаўны універсітэт інфарматыкі і радыёэлектронікі» арганізуюць 15 мая 2019 года лекцыю па тэме сямейных стасункаў. Мерапрыемства прымеркавана да Міжнароднага дня сям'і.Лекцыю-кансультацыю правядзе сямейны псіхолаг Павел Зыгмантовіч.

Урачыстая атмасфера, яркія станоўчыя эмоцыі і святочны настрой суправаджалі праект Kids Fashion Zone 9 лютага 2019 года. Выказваем падзяку Майстэрні сацыяльнага кіно за падрыхтоўку выдатнага відэароліка аб дабрачынным мерапрыемстве.