Напярэдадні свята Вялікадня Установа «Лёс і надзея» арганізавала дабрачынную акцыю: супольнасці шматдзетных і прыёмных бацькоў пры царкве «Узнясенне» перададзена гуманітарная дапамога ў выглядзе рэчаў, абутку і прадуктаў харчавання.
Каманда ўстановы выказвае падзяку шматлікім шчырым людзям, якія звярталіся з прапановамі перадаць матэрыяльную дапамогу для тых, хто мае патрэбу. Віншуем усіх са Святам Вялікадня! Жадаем святла, радасці, любові і дабрабыту!
Бацькоўская супольнасць пры царкве «Узнясенне» ужо шмат гадоў праводзіць дабрачынныя праграмы для шматдзетных і прыёмных сем'яў. Ініцыятыва аказвае розную дапамогу сотням сем'яў:
• стасункі і ўзаемадапамогу;
• маральную падтрымку;
• культурныя і святочныя мерапрыемствы;
• юрыдычную дапамогу;
• дабрачынную дапамогу;
• валанцёрскія паездкі ў Еўропу і па Беларусі;
• сумесны адпачынак і многае іншае.
Па ўсіх пытаннях аказання і атрымання дапамогі шматдзетным і прыёмным сем'ям можна звязвацца: +375291974982 - Бацькоўская супольнасць пры царкве «Узнясенне».