У жніўні ўстанова па аказанні дапамогі ў складанай жыццёвай сітуацыі «Лёс і надзея» прымае ўдзел у партнёрскай дабрачыннай акцыі «Увага школа», арганізаванай да пачатку новага навучальнага года.
Дабрачынную акцыю «Увага школа» праводзіць Дзяржаўная ўстанова «Тэрытарыяльны цэнтр сацыяльнага абслугоўвання насельніцтва Мінскага раёна» ў партнёрстве з іншымі арганізацыямі. Дзецям дашкольнага і школьнага ўзростаў са шматдзетных і маючых патрэбу сем'яў з Мінскага раёна прадастаўляюцца наборы школьных прылад, неабходных для навучання.
Каманда ўстановы «Лёс і надзея» віншуе вучняў і іх бацькоў з Днём ведаў і жадае поспехаў у вучобе, выдатных адзнак, натхнення і творчасці ў надыходзячым навучальным годзе!
