Навіны
Сту 15, 2020

У 2019 годзе да спецыялістаў ўстановы паступалі ...

Навіны
Лют 19, 2019

У 2018 годзе да спецыялістаў ўстановы паступалі ...

Навіны
Сту 25, 2018

Прапануем справаздачу аб працы, праведзенай нашай ...

Навіны
Кра 06, 2019

Святочны настрой, радасць ад творчасці, душэўны ...

Навіны
Май 17, 2019

22 мая адбудзецца дабрачынны інклюзіўны ...

Навіны
Лют 24, 2021

20 лютага ў President Hotel адбыўся дабрачынны ...

Навіны
Сак 29, 2018

У рамках праекта «Узаемадзеянне» у сакавіку 2018 ...

Навіны
Сне 24, 2020

23 снежня ва ўтульнай творчай атмасферы прайшоў ...

Навіны
Ліс 25, 2018

Пад такой назвай 14-15 лістапада 2018 гада ў ...

Навіны
Кра 02, 2020

2 красавіка штогод адзначаецца Сусветны дзень ...

Сусветны дзень людзей з сіндромам Дауна

установа "Лёс і надзея"

Сусветны дзень людзей з сіндромам Дауна

Рэйтынг: 0 / 5

Зорка неактыўнаЗорка неактыўнаЗорка неактыўнаЗорка неактыўнаЗорка неактыўна
 

У 2011 годзе Генеральная Асамблея ААН абвясціла 21 сакавіка Сусветным днём людзей з сіндромам Дауна. Пачынаючы з 2012 года, гэты дзень прапанавана адзначаць ўсім дзяржавам і міжнародным арганізацыям, каб павысіць узровень інфармаванасці грамадства пра сіндром Дауна.

Дата 21 сакавіка была выбрана не выпадкова. Гэта сімвалічнае абазначэнне паколькі сіндром Дауна звязаны з 3 копіямі 21-й храмасомы (трысамія па 21-й храмасоме). Па вызначэнні французскага вучонага Жэрома Лежена, сіндром Дауна не з'яўляецца хваробай. Гэта генетычны стан, які існуе з моманту зачацця і пазначаны наяўнасцю ў клетках чалавека дадатковай храмасомы. Прыкметы гэтага стану ўпершыню апісаў англійскі лекар Джон Лэнгдон Даун ў 1866 годзе. Людзі з сіндромам Дауна маюць 47 храмасом у карыатыпе замест звыклых 46. Ім ўласцівая характэрная знешнасць, павышана магчымасць з'яўлення пэўнага спектру захворванняў, разумовыя асаблівасці.

Па статыстыцы САЗ у свеце з сіндромам Дауна нараджаецца кожнае 700-ае дзіця. Гэтыя суадносіны аднолькавыя ў розных краінах, кліматычных зонах і сацыяльных пластах. Генетычны збой адбываецца незалежна ад ладу жыцця бацькоў, іх здароўя, звычак і адукацыі. Вядома, што рызыка нараджэння дзіцяці з сіндромам Дауна залежыць ад узросту маці. Для жанчын ва ўзросце да 25 гадоў верагоднасць нараджэння такога дзіцяці роўная 1/1400, да 30 - 1/1000, у 35 гадоў рызыка ўзрастае да 1/350, у 42 гады - да 1/60, а ў 49 гадоў - да 1/12. Аднак, паколькі маладыя жанчыны ў цэлым нараджаюць значна больш дзяцей, большасць (80%) усіх дзяцей з сіндромам Дауна на самай справе нарадзілі менавіта маладыя жанчыны ва ўзросце да 30 гадоў. 50 адсоткаў немаўлятаў маюць прыроджаныя заганы сэрца, страўніка і кішачніка. Раней яны жылі да 40 гадоў, таму што гэтыя захворвання не лячылі. Зараз працягласць жыцця складае 60-65 гадоў. Людзі з сіндром Дауна таксама ствараюць сем'і. Дзеці ў такіх сем'ях не нараджаюцца, так як амаль усе мужчыны з сіндромам Дауна бясплодныя, а ў жанчын цяжарнасць сканчаецца выкідкам ці заўчаснымі родамі.

З-за немагчымасці поўнага лячэння праблем дадзенага стану спецыялісты ставяць мэтай не пастаяннае лячэнне, а забеспячэнне нармальнага сацыяльнага статусу. Аптымальнай якасці жыцця для дзяцей з сіндром Дауна можна дасягнуць, перш за ўсё, праз бацькоўскi клопат, задавальненне медыцынскіх патрэбаў, праз магчымасці інклюзіўнай адукацыі і падтрымку супольнасці ў цэлым. Створаныя ўмовы для ўдзелу людзей з сіндромам Дауна ў грамадскім жыцці садзейнічаюць паспяховай сацыялізацыі і дазваляюць максімальна развіць асобасны патэнцыял. Людзі з сіндромам Дауна могуць рабіць многае, але толькі ў сваім уласным рытме. У Еўропе і ЗША ствараюць спецыяльныя вакансіі для людзей з сіндромам Дауна. Такія людзі працуюць афіцыянтамі ў кафэ, ім выгадна даручаць працу, якая патрабуе далікатнага падыходу - раскладваць літаратуру ў бібліятэцы, разносіць пошту.

У Беларусі дзеці з сіндромам Дауна могуць наведваць інтэграваныя групы ў дзіцячых дашкольных установах і навучацца ў інтэграваных класах у школах. Для сем'яў, якія выхоўваюць дзяцей з сіндромам Дауна, прадугледжаны паслугі спецыялістаў вузкага профілю ў Цэнтрах карэкцыйна-развіваючага навучання і рэабілітацыі (міністэрства адукацыі), цэнтрах/кабінетах ранняга ўмяшання (міністэрства аховы здароўя) і інш. Дзейнічаюць бацькоўскія аб'яднанні, якія аказваюць ўсебаковую падтрымку сем'ям, дзе жывуць дзеці і маладыя людзі з сіндромам Дауна:

- Маладзёжная грамадская арганізацыя «Даун Сіндром».

- Рэспубліканскае сацыяльна-дабрачыннае грамадскае аб'яднанне «Даун Сіндром. Інклюзія».

З ініцыятывы генеральнага мэнэджара гатэля «Рэнесанс-Мінск» Йеспера Франсла, ураджэнца Даніі, у Беларусі пачаўся унікальны вопыт па працаўладкаванні супрацоўнікаў з сіндромам Дауна. Йеспер Франсл хацеў бачыць сярод персаналу людзей з асаблівасцямі развіцця. Досвед працы ў гатэлі атрымалі Мгер Мінасян, Мікалай Воўк, Васіль Паўлікаў.

Калісьці даўно дыягназ «сіндром Дауна» гучаў як прысуд. Да гэтага часу існуе памылковае меркаванне аб няздольнасці дзяцей народжаных з сіндромам Дауна да навучання, навыкам дагляду за сабой, сацыяльнай адаптацыі. Аднак жыццёвыя прыклады абвяргаюць падобныя стэрэатыпы. Людзі з сіндромам Дауна становяцца мастакамі, адвакатамі, акцёрамі, мадэлямi, спартсменамі і, у цэлым, паспяховымі людзьмі. Галоўнае - асабістае жаданне, надзея, вытрымка, сіла, і, вядома ж, клопат і падтрымка сям'і і неабыякавых людзей.

У Іспаніі жыве выкладчык, акцёр і грамадскі дзеяч Пабла Пінеда. Ён першы ў Еўропе чалавек з сіндромам Дауна, які атрымаў універсітэцкую адукацыю: мае дыплом выкладчыка, бакалаўра мастацтваў і дыплом у галіне педагагічнай псіхалогіі. У 2009 годзе Пабла Пінеда атрымаў «Сярэбраную ракавіну» кінафестывалю ў Сан-Себасцьяне за лепшую мужчынскую ролю ў фільме «Я таксама» - роля універсітэцкага выкладчыка з сіндромам Дауна.

У Каліфорніі, ЗША, жыве 30-гадовы мастак Рэйманд Ху. Ён малюе, выкарыстоўваючы кітайскую методыку, тушшу і акварэллю на рысавай паперы. Малюе Райманд партрэты жывёл - львоў, тыграў, яшчарак, сланоў, рыб, чарапах, сабак. Яго працы карыстаюцца попытам, іх нават выстаўляюць на розных аўкцыёнах.

Паўле Саж, якая нарадзілася ў Шатландыі ў 1980 годзе, сіндром не перашкодзіў зняцца ў некалькіх фільмах. За ролю ў брытанскім фільме «Пасля жыцця» яна атрымала прэмію BAFTA у катэгорыі «Лепшы дэбют у кіно». Паула прафесійна гуляе ў нетбол і стала паспяховым адвакатам: аказвае юрыдычную падтрымку двум міжнародным фондам - Ann Craft і Mancap.

Паспяховы музыкант і кампазітар Рональд Джэнкінс з 2003 года пад псеўданімам «Big Cheez» пачаў выкладваць свае мелодыі ў сетку, а з 2006 пачаў выкладаць відэа на YouTube і цяпер з'яўляецца зоркай YouTube. Яго ролікі ў сетцы хутка набралі папулярнасць, але пераломным момантам стала запрашэнне ад спартовага сайта ESPN.com запісаць тэму для подкаста. Праз год у Рональда выйшаў першы студыйны альбом - Ronald Jenkees.

Цім Харыс - паспяховы рэстаратар. Яму належыць «самы прыязны рэстаран у свеце» Tim's Place, у якім наведвальнікам акрамя традыцыйных страў прапануюцца бясплатныя абдымкі Ціма. З моманту адкрыцця рэстарана ў 2010 годзе Цім абняў больш за 23 тысяч чалавек.

Аўстралійка Мадлен Сцюарт дэбютавала на вялікім подыуме ў якасці мадэлі ў верасні 2015 года. З тых часоў дзяўчына з сіндромам Дауна стала папулярнай мадэллю: яе пастаянна запрашаюць ўдзельнічаць у паказах вядомыя дызайнеры, а папулярныя брэнды прапануюць мадэлі здымацца ў іх рэкламе. У 2016 годзе Мадлен стала зоркай Нью-Йоркскага тыдня моды.

Варта адзначыць, што за лагоднасць, адкрытасць, непасрэднасць людзей з сіндромам Дауна называюць «сонечнымі людзьмі». Яны хутка прывязваюцца, давяраюць, лёгка ўлюбляюцца і ніколі не здраджваюць.

Генеральная Асамблея ААН прапанавала 21 сакавіка павышаць узровень інфармаванасці грамадскасці пра сіндром Дауна. У гэты дзень у многіх краінах свету праходзяць розныя дабрачынныя і асветніцкія акцыі, мерапрыемствы і канцэрты, канферэнцыі і семінары.

 

Лагатып сайта

+375 29 611-57-03

Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

Please publish modules in offcanvas position.