29 лістапада камандай установы «Лёс і надзея» праведзена дабрачынная акцыя ў падтрымку ініцыятывы «Дапамога бяздомным людзям». Для тых, хто пазбаўлены пастаяннага жылля, перададзена адзенне, абутак і лекі першай неабходнасці.
Ідэя арганізацыі дапамогі для бяздомных людзей належыць мастаку Аляксандру Чарніцкаму, дзякуючы якому з 1997 года дзейнічае бясплатная сталовая для асоб без пастаяннага месца жыхарства. Цяпер ініцыятыва ажыццяўляецца ў Мінску па вул. Рыбалка, 26, дзе бяздомным людзям даецца бясплатнае харчаванне, адзенне, псіхалагічная, духоўная падтрымка і іншая неабходная дапамога. Сталовую, якая працуе ў пятніцу, суботу і нядзелю, наведвае ад 50 да 90 чалавек.
Жадаючым падтрымаць ініцыятыву «Дапамога бяздомным людзям» можна звязацца па тэл. +375296559878.
