14 верасня пры арганізацыі ўстановы «Лёс і надзея» і аддзялення дзённага знаходжання для маладых людзей з цяжкімі і множнымі парушэннямі развіцця ДУ «ТЦСАН Мінскага раёна» праведзены майстар-клас «Восеньскія фарбы».
У верасні 2021 года ў аддзяленне дзённага знаходжання ДУ «ТЦСАН Мінскага раёна» прыйшлі новыя маладыя людзі пасля сканчэння ЦКРНіР. З мэтай стварэння спрыяльнай атмасферы і паспяховай адаптацыі ў новай для іх установе, спецыялісты ініцыявалі правядзенне творчага мерапрыемства.
Дзяўчаты і хлопцы, якія наведваюць аддзяленне, змаглі паўдзельнічаць у стварэнні кампазіцый з прыроднага восеньскага матэрыялу. У цёплай сяброўскай атмасферы і пры дапамозе спецыялістаў кожны ўдзельнік аформіў прыгожую ружу з кляновых лістоў. Гэта стала нечаканым прыемным падарункам для бацькоў, якія прыехалі за сваімі дзецьмі ў канцы працоўнага дня.
Майстар-клас правяла Козенцова Вікторыя, шматдзетная мама, якая выхоўвае дзіця з асаблівасцямі псіхафізічнага развіцця.
